شىعىس قازاقستان وبلىسىنداعى 2020 جىلعى 1 شىلدەدەگى اقپارات بويىنشا، وڭىردە 56 688 مۇمكىندىگى شەكتەۋلى ازامات تىركەلگەن. ونىڭ ىشىندە 51093 ەرەسەكتەر (1 توپتاعى مۇگەدەكتەر سانى - 5406، ەكىنشى توپتاعى مۇگەدەكتەر سانى – 23699، ءۇشىنشى توپتاعى مۇگەدەكتەر سانى – 21988). سونىمەن قاتار 5595 بالا بار. ونىڭ ىشىندە 16 جاسقا تولماعان 5017 مۇگەدەك بالا، 16-18 جاس ارالىعىنداعى مۇمكىندىگى شەكتەۋلى جاندار سانى 1578 (ءبىرىنشى توپ – 83، ەكىنشى توپ – 102، ءۇشىنشى توپ – 323 بالا تىركەلگەن) قۇرايدى. بۇل تۋرالى شقو اقپاراتتىق ورتالىعىندا وتكەن بريفينگ بارىسىندا ەڭبەك، الەۋمەتتىك قورعاۋ جانە كوشى-قون كوميتەتىنىڭ شقو بويىنشا دەپارتامەنتىنىڭ مەديسينالىق-الەۋمەتتىك ساراپتاما سالاسىنىڭ ورىنباسارى م.ا عاليا سابىربايەۆا ءمالىم ەتتى.
- شىلدە ايىندا ەڭبەك جانە حالىقتى الەۋمەتتىك قورعاۋ ءمينيسترىنىڭ 268 بۇيرىعى قابىلداندى. سوعان سايكەس مۇگەدەكتىك مەرزىمىن 3 ايعا ۇزارتۋ اۆتوماتتى تۇردە جۇرگىزىلۋدە. بۇگىنگى كۇنى اتالعان مەحانيزم بويىنش شقو-دا 2324 ازاماتتىڭ مۇگەدەكتىگى ۇزارتىلدى. بۇل شارا مەملەكەتتىك مەكەمەلەردە ادامداردىڭ جاپپاي جينالماۋى مەن كوروناۆيرۋستىڭ كەڭىنەن تارالماۋىنا جول بەرمەۋ ماقساتىندا ۇيىمداستىرىلۋدا، - دەدى عاليا سابىربايەۆا.
ەلىمىزدە مۇگەدەكتەردى كۋالاندىرۋ كارانتين شارالارى اياقتالعانعا دەيىن ەلەكتروندى ۇكىمەت پورتالىندا جۇرگىزىلەدى. مۇگەدەكتىكتى جانە ەڭبەك ەتۋ قابىلەتىنەن ايىرىلۋ دارەجەسىن، سونداي-اق جەكە وڭالتۋ ءىس-شارالارىنىڭ باعدارلاماسىن اۆتوماتتى تۇردە ۇزارتۋ، قايتا كۋالاندىرۋ مەرزىمى شەكتەۋ شارالارىنا سايكەس كەلگەن جاعدايدا، ياعني 12 مامىر مەن 31 شىلدە ارالىعىنداعى ۋاقىتقا سايكەس كەلگەن جاعدايدا مۇگەدەكتىك توپ 3 اي سوزىلادى. ەگەر مۇگەدەكتىك العاش رەت بەلگىلەنگەن بولسا، ول ازامات ەلەكتروندى ۇكىمەت پورتالىنا كىرىپ ءوتىنىش بەرە الادى. سونىمەن قاتار 16 جانە 18 جاسقا تولعان مۇگەدەك بالالارعا قاتىستى سىرتتاي كۋالاندىرۋ قاراستىرىلعان. بريفينگكە قاتىسقان عاليا سابىربايەۆا وسىلاي دەدى.
شقو اقپارات ورتالىعى
